Quéxase una castañal
al vientu que-y arrancaba
corteya, vida, alcordances,
ca vegada que soplaba.

Glayaba la castañal
porque l'airón nun cesaba,
glayaba con gran dolor,
pues la vida se-y marchaba.

¡Dexa de soplar, airón!
¡Que márxesme cola vida!
¡Dexa de faceme dañu!
¡Que ya toi mediu fendía!

Quéxase una castañal
al vientu que-y arrancaba
corteya, vida, alcordances,
mientres el tiempu pasaba.